من الجينات المهمة اللي بتساعد على تكوين الأسنان في الثدييات
-جين AMBN ودا بيشفر بروتين اسمه ameloblastin
-جين AMELX ودا بيشفربروتين اسمه amelogenin
- جين ENAM ودا بيشفر بروتين اسمه enamelin
والجينات دي هي المسؤولة عن تكوين طبقة مينا الاسنان Enamel أصلب مادة على الإطلاق في أجسام الفقاريات
ومن المعروف ان الحيتان نوعين نوع مسنن (يمتلك اسنان) odontoceti زي الدلفين وحوت العنبر
ونوع غير مسنن باليني (معندوش اسنان ) mysticeti زي الحوت الأزرق والحوت الأحدب والحوت الرمادي
والنوعين دول انحدروا من اسلاف من ثدييات برية تمتلك اسنان
طيب ازاي النوعين انحدروا من اسلاف برية تمتلك اسنان والحيتان البالينية لا تمتلك أسنان ؟؟
هقولك ان الباحثين بحثوا عن الجينات اللي بتساعد على تكوين الاسنان في انواع كتيرة من الحيتان البالينية عديمة الأسنان Mysticete لقوا الجينات دي موجودة بنفس التتابع بس كجينات كاذبة pseudogenes عديمة الوظيفة بس كان في هنا مشكلة وهيا ان الطفرات اللي عطلت وظيفة الجينات دي مش مشتركة بين كل انواع الحيتان البالينية يعني كل نوع عنده طفرة مختلفة عن النوع التاني ودا بيثبت ان الجينات دي فقدت وظيفتها بس بشكل مستقل في الأنواع ودا بيتعارض مع علم الحفريات الفقارية لانه تنبأ بإن اسنان الحيتان تم فقدانها مرة واحدة فقط في سلف مشرك يعني لازم يكون فيه طفرة مشتركة بين الحيتان البلينية دي ورثوها من السلف المشترك
طيب ايه ايه تفسير التناقض دا ؟؟؟؟
هقولك بعديها العلماء اكتشفوا ان فيه جين رابع اسمه enamelysin عديم الوظيفة ضروري جداً لتكوين طبقة المينا وسبب عدم فاعلية الجين دا واحدة في جميع انواع الحيتان البالينية عديمة الأسنان وهي اصابة الجين دا بطفرة إدخال بسبب نوع من الجينات القافزة القهقرية (الينقولات القهقرية ) اسمه SINE retransposon الجين المتحرك دا تم ادماجه في منطقة معينه من جين enamelysin عطلت وظيفة الجين بس ما زال التتابع الجيني لتكوين الأسنان موجود دليل على انحدار الحيتان دي من اسلاف ثديية تمتلك أسنان 😃
يعني ايه جينات قافزة او الينقولات transposones
الينقولات دي عبارةعن تسلسل معين من DNA ليه القدرة على الانتقال من مكان الى اخر في الجينوم والانتقالات دي بتسبب طفرات بتخل بوظيفة الجينات
https://pubmed.ncbi.nlm.nih.gov/20861053/
وفيه منها نوعين :-
- النوع الاول الينقولات القهقرية retransposone (دا النوع اللي مذكور في البوست ) يعمل عن طريق النسخ واللصق بحيث انها بتنسخ من الDNA ال RNA ووبعد كدا بتحول ال RNA عن طريق عمليه النسخ العكسي reverse transcription الى DNA تاني ويتم دمجه في اماكن تانية في الجينوم.
- النوع الثانيtransposone يعمل عن طريق القص واللصق عن طريق انزيم يسمى transposase بيقوم بقص اجزاء من ال DNA ومن ثم الصاقه في اماكن اخرى في الجينوم
ليست هناك تعليقات:
إرسال تعليق