هو الريتند روت يعتبر من الكيسات الصعبة جدا لهواي اسباب اولها واهمها انو ما بيه point of application يعني بالعامية ما بي لزمة ثاني شي مرات اكو ريتند روتس صاير جوا الجنجفا ثالث شي اكو كيسات يصير بيها فركجر بالمدل والسيرفايكل بارت مال الروتس ويبقى بس الابكل ويزيد الامور تعقيدا ورابع شي اذا كان سابقا معمول اله R.C.T فيضعف الوول مال الروت ومن تدخل الاليفيتر يتكسر ويكون على شكل بيس او فراكمنتس خامس شي اذا بي كيرف قلعه يصعب اكثر واكثر سادس شي الاليفيتر والفورسبس بهواي كيسات تعاني صعوبة يلا تحصل point of application حتى تبدي منها ، زين الحل شنو شلون نتغلب ع هاي المشاكل من توجهنا اكو عدة حلول انطي امثلة عليها وكالاتي :
١- اذا كان سنكل روت يعني انترير ولور بريمولر واكيد اكو انوماليز يعني مثلا اللور 7 سنكل روت يجي مرات والخ.. فقلع السنكل روت يختلف عن الملتي روت بحالة الfusion فالمنيجمنت بهيج كيسات بالسنكل روت هو انو بحالة إذا كان واضح مثلا اكو فيرل ايفكت والمارجن سبرا جنجايفل فالافضل انو نسوي سبريشن زين للجنجفا ببروب وافصلها زين واجي اجيب اليفيتر احاول اسوي موبلتي بالروت واترك الاليفيتر واجيب الفورسبس مال الرتيند روت وحسب التوث اذا كان انترير او بوسترير ابر او لور فنختار الفورسبس المناسبة ونسوي ديب كراسبنك ونقلعه بحركة rotation movement وتحاول واهم شي انو توسع السوكت يعني نسوي اكسبانشن خاف ينكسر بارت من الروت تكدر مثل مكلنا سابقا انو نطلعه بفايل سايز جبير ع سبيل المثال 40 والخ...
٢- اما اذا كان multi-rooted و fusion يعني متصلات فالافضل نسوي سبريشن نفصل الروتات ونطلعهن باستخدام اليفيتر خاص الافضل نستخدم بهيج كيسات بالريتيند روت هو الجزل وكون حاد كلش مو اعمى ونسوي سبيس بيه وموبلتي حتى نهيئه للفورسبس او مرات هو متصلات الروتات بس الرج نازلة والجنجفا نازلة يعني البيشنت عنده بريودونتايتس فتكدر تقلعهن سوا كأنما توث همين بالاليفيتر والفورسبس كأنما تعامله توث بيه كراون.
٣- بكيسات الديب مارجن يعني سب جنجايفل يكون الروت واوفركروث يالجنجفا مثل مكلنا فهذا عندك هواي خيارات تكدر بالليزر اذا متوفر عندك تسوي جنجفكتومي او thermacut bur تسوي بيه جنجفكتومي وتحاول تخلي المارجن سبرا جنجايفل وهم نفس خطوات النقطة الاولى تسوي سبريشن بالجنجفا واني اعتبرها اهم خطوة يعني اذا تسوي سبريشن تضمن انو مراح يصير تيرنك بالجنجفا وبالتالي متحتاج سوجرنك او الجنجفا تطلع وي الروت وكل هاي ع حساب البيشنت يصير عنه postoperative pain وشارب بين
٤- مرات انت تشوف الرتيند طالع وتريد تقلعه وبيه R.C.T فيلر وجان اندكيتد للاكزو فمثل مكلنا الوول يكون weak وبالتالي يتكسر عندك من تخلي الاليفيتر فأنت اذا دخلته وانكسر عندك مثلا السيرفايكل بارت وبقى بس المدل والابكل بارت ومبي لزمة بعد لا تكدر تدخل اليفيتر ولا فورسبس اصلا هي متدخل فتجي تقلع سيرجكالي يعني تشيل شوية من البون وتطلعه بعدين وتسجور لأن يصير الم قوي بعد ميروح مفعول الانستيزيا لأن اكو exsposed bone واحتمال يكون شارب فيسبب الم جدا جدا قوي ودراي سوكت محتمل .
ملاحظة:- اكو تركاية حلوة بالريتيند روت عادةً احنا لازم نحسب حساب شغلة مهمة وهي الاليفيتر هو حاد يكون فأنت من تجي تريد تقلع الريتيند روت وتدخل الاليفيتر هنا لازم تخلي ببالك السلبج يعني السلبية مال هاي الطريقة انو يصير slippage وهالشي جدا خطر لأن احتمال تضرب الجنجفا او التانك او الجيك او تأذي نفسك تأذي اصبعك وتجرح نفسك او تسوي فركجر باحد الاسنان او تسويله مشكلة بالمصل والTMJ والخ.. من مشاكل السلبج والسبب لأن الاليفيتر بطبيعة عمله انو يحتاج Point of application يعني نقطة مرتكز تخلقها حتى تسند عليه الاليفيتر حتى تكدر تحرك بيه التوث او الروت وهذا صعب تحقيقه بالروت يعني مزعج فالتركاية تكول انو انت اترك الاليفيتر ولتستخدمه وتستبدل عنه الفورسبس مباشرةً يعني تسوي سبريشن زين بالجنجفا وتجيب الفورسبس وتدخلها ديب كراسبنك وتحرك بيه buccal or labial movement
بعدين palatal or lingual movement
واخر شي من يصير بيه موبلتي زين استخدم ال rotational movement واقلعه هنا ضمنت انو مستخدمت الاليفيتر واللي يسببلك المشاكل المذكورة أعلاه.
واعتذر عن الإطالة وشكرا .
